Се збогуваме со Милка Ефтимова

13 август 2025 | Вести и активности

Со длабока тага ја примив веста за заминувањето на Милка Ефтимова, нашата легендарна оперска дива. Нејзиниот глас беше повеќе од музика, сведоштво за врвната уметност што може да се роди и создава на ова поднебје. Низ нејзината шестдецениска кариера, таа ги освојуваше светските сцени, а со нејзиниот извонреден талент и нејзината исклучителна посветеност, таа беше вистински амбасадор на македонската култура.

Имав чест да ја одликувам со Орден за заслуги за Република Северна Македонија, признание кое во целост го заслужи за нејзиниот огромен придонес во уметноста и нејзиното хуманистичко благородство. Но, нејзиното најголемо признание е љубовта и почитта на публиката, која никогаш нема да ја заборави.

Нека почива во мир. Нејзиното дело и нејзиниот глас ќе живеат засекогаш.